أمير و نرجس

اسمي أمير ، 17 سنة مبطل مالقراية و مانيش نخدم.. كل مرة نطيش روحي في بلاصة ندبر راسي.. بويا و امي مطلقين عندهم قريب 6 سنين نتفكر ايامات الطلاق متاعهم يتعاركو عليا معا شكون باش نعيش كل واحد يفك من شيرة ههه الحاكم عطا لأمي لحضانة بحكم انا قاصر و درا شنوا.. الحاصيلو ملي كانو يتعاركو عليا ولاو يطيشو فيا لبعضهم . امك تقلك امشي لبوك و بوك يقلك امشي لأمك . و كيما تعرفو تقعد بحذا عايلة بوك يلومو امك و تقعد معا عايلة أمك يلومو بوك .. لين وليت ديما على عصابي والي نسمعو يتكلم على واحد فاهم نشعل فيه بالرغم الي انا نكرهم الزوز.. بعد تلاثة سنين ملي طلقو وصلت لمرحلة ماعاش نحب نشوفهم الزوز . سلام سلام لاباس لاباس هز ايدك. عايش في دار جدي (معرس ) و مرتو تكرهني عاللخر خاطرني ديما باعثها ههههه عيلة لا اراكم الله * نخرج الصباح نخدم نروح اخر اليل نرقد باش منكلم حد . عندي كعبات خواتي ساعات نمشي نطل علاهم فاليسي نبدل الجو شويا هاذيكا لحاجة لوحيدة لنكسر باها الروتين مرة فاليل شاد فارشي و ماباش يجيني النوم قعدت نتفكر في آش صار فحياتي.. نتفكر كنت قراي عالخر اول مطلعت لليساي تبعت شلة خارجة عالخط جملة وحدة بديت بالشويا نهمل معاهم و تعلمت الدخان و التزبريط و الزطلة و الشراب و الحرابش تي الموبيقات لكل جربتها و نتفكر جربتهم الكل خاطر حبيت نعرفهم شنوما و نجرب اك لإحساس ليحكيو عليه و بالفعل جربت و بعد مضمضت كان الدخان كبش فيا لليوم.. ملي صغير عندي التبربيش و اك حب لاطلاع بزايد و اذا حطيت حكاية في مخي نوصللها نوصللها مش كي تخلا .اما لحاجة لخابة انو كان وصلت للي حاشتي بيه سايي اطير النفحة. تغرمت بالانفو و بشويا لين دخلت لدومان البيراطاج بجميع انواعو و عمات اسم و كلي بديت نتشهر .. نهار منهارات امنك كل عادة و راكش في بيبلينات واحد يقربلي نكنكتي بعثتلي وحدة انفي قبلتها ماغير ما نثبت في اسمها اصل تي لمهم ماي طفلة يزي ههه بعد عرضتني تصويرتها فالاكاي وقتها رميت روحي نفرك فاهم * تي لا والله موش عالتوف ! تي دين امها كاتبة : 'Talk without thinking First is like chout without aiming' الساعة قعدة معوج جلغتي قدام ليكران مصدوم و بعد كتبتلها Shoot not chout bitch ._. انا نضحك و هيا كمنتات صلحتها و قتلي حل عينيك ياخي متراش ! خخخخ ملي كنت نضحك زدت مت مالضحك عمات هكا خطفتلها كابتير و كتبت ستاتي تقول قصة نسب فاها و في امثالها انا نتاجي فالشمايتية صحابي و هيا بعثتلي ميساج تلهيت باها قتلي - اا صخطة شبيك بو فضوح - كي انتي بهيمة شلزك لاعبة فاها سفيرة انڤلترا و تتمعجن بالانڤلاي ؟ و السخطة يراها على راسك ! - ههههه ملاا مخلوق منين طلعتلي ! T'ki ? - اهي بجاه ربي خليني في عقلي تاو موش انتي لبعثتلي انفيت ._. ؟ - اا صار هوا انتي ! والله نسيتك . انا نرجس نقرا 8éme في.. و انتي ؟ - أمير نقرا كيفك و في نفس Lcollège - اي اي نعرف - اه ؟ تعرف ؟ منين تعرفني ؟ - شي شي غلط ايا فاش تعمل ؟ بشويا بشويا تحلينا فالحديث و صبحنا ليلتها لصباح نحكيو و تفاهمنا باش نتقابلو .7 متاع الصبا سكرنا و فزينا نحضرو فرواحنا هيا ماشية تقرا و انا نتله في امي كوم كوا ماشي نقرى ههه حطيت الحطة و قعدت نستنا في ولد حومتي باش يجيني نمشيو معا بعضنا. نسيت ما قلتلكمش حاجة.. اكثر حاجة نكرها في روحي.. لحشمة هههههه برشا يعرفوني و ما يتصوروهاش مني لحكاية اما برسمي حشام لدرجة ما تنجمش 

تتصورها اني نعدي روحي بالسكات ولا الزلعان هه .

لمهم مشيت معا ولد حومتي نتهوملو كالعادة ضربت صونوري ل 10h دخلت لليساي و مشيت بحذا صال الانفو خاطر براسك لحاجة لوحيدة لندخللها و صحاب انا والاستاذ يدخلني ما غير بيي. و تفاهمت معا نرجس باش تجيني وين نقرا انا راكش متكي عالحيط و قدامي ولاد كلاسي يحكيو معايا و انا والله لاني معاهم و مسمهتش حتا كلمة اصل و نخمم كيفاش باش تجيني و انا نسيت ما قلتلهاش وين نقرى !! انا اكاكة و تجبدني وحدة اسمها فاطمة

فاطمة هاذي انتيمتي و بنت كلاسي انجم نقلكم مرا بميات راجل ، جبدتني من وسط اك تلحضبة يخلي دار امهم اش يحكيو.. قتلي تو كيفاش باش تقابلها الطفلة و انتي في وسط اصحابك ! 

- دين امك.. كيفاه عرفت الي انا شنقابل في طفلة من اصلو ! 

حطت يداها علي جنابها و قتلي نعم بابا ؟ و هيا فما حاجة مانعرفهاش و انا ! ايا ايا الطفلة تستنا باش تمشي تقرى ! 

جات تجبد فيا من يديا منجمتش تلفتت تلقاني جامد و وجهي بدا يحمار اطرشقت بالضحك لين عيناها دمعت و بعد قتلي امشي امشي متحشمش ااني معاك هههه قداه باش نقعد نقاصي فيك اسمعني احسب روحك تحكي معايا و حاول متكبرش لحكاية تو تتناحا لحشمة .

- تي موش.. تي ماو..

-لا ماو لا كسس امشي قتلك اني معاكم ! 

مشينا و وقفنا قدام نرجس .. نوصفهالكم.

قصيرة تتكعبر بيضا و عندها نمش و لابسة لينات و شعرها طويييل يفتق مهبطا راسها لوطا كي شفتها حاشمة كلي حسيت روحي رتحت ههه مبعد اك سلام سلام و درا شنوا سكتنا الزوز  تلفت لفاطمة ملقيتهاش .. بنت لحرام فصعت..

- منين تعرفها فاطمة ؟ 

-..

احنا بدينا نتحلو فالحديث و و بديت نحس الي الحشمة تنحات و سي لخرا لقيم العام يجي شاد عصا في يديه و يعيط قتلي ايا باي تو بعد نحكيو و بيباتلي و مشات تلفت للقيم ڤحرتلو.. قلي تحرك شد قسمك جيت ماشي عرضني خو صاحبي الصغير قلي امير براس امك كلمة فالتاليفون باش نكلم امي تجيني تاخولي بي'يي . مديتلو التاليفون و قعدت واقف بحذا لادارة نستنا فيه يكلم في أمو و يبكي و يجي لقيم من غادي باش يدخل لبيروه يلقاه قدامو فكلو التاليفون 

-في دار بوك تتكلم بالتاليفون و تعيط ؟ 

- مسيو نكلم فأمي باش تجيني 

- برا روح كي تجيب امك اجا هزو 

-موش متاعي متاع ..

-برا روح قتلك تزيد كلمة نعدي بيك تقرير

جاني ملي كان يبكي زاد فحم لعزا ملقا ما يقلي يسخف اصل قلي اي امي جاية معايا لعشية تو نمدهولك قتلو برا روح على روحك و مشيت للقيم 

- مسيو اعطيني تاليفوني راو خذاه من عندي باش يكلم امو تجيه

-شنيا هاللوغة و شنيا هالمنطق لتحكي بيه هكا تحكي في مؤسسة تربوية ؟ 

(نراجع في روحي نطلعش قلت كلمة زايدة) 

-مسيو..

-شد خراك واقلب رب منضرك من قدامي 

(خذيت التاليفون و وخرت لتالي) 

- هاذا المنطق و التربية لتحكي علاهم ؟ 

شد لعصاا و جاني يجري 

- ااا مريض بالسكر تمسني نموت !!! 

- برا روح قيلني من بلاك ا نهار لمبروك

خرجت باش نموت بالضحك نلقا ولد حومتي خرج اكسكلي يمشي و يربرب . مشيتلو ادي شبيك ستغفر مولاك ! 

- تي دخلت كلمني محمد قلي انا الشلة لكل ملمومين ماشين للبيار اي تجي قتلو لحضة اني جاي و علقت . كفنت لكتاب و تلفت للبروف قتلو مسيو ما جبتش كتابي قلي مالا علاه جاي قتلو على رجليا قلي مالا هز رجليك و اخرج، كلاس كامل يضحك و انا هاز ساكي فرحان جيت خارج قلي اجا هنا اني سامحتك لمرا هاذي برا اقعد بحذا سمية الولة متاع لكلاس (بنتو) بديت نسب في قلبي قعدت بحذاها جبت التاليفون بعثت لمحمد قتلو راني مانيش جاي قلي هاي لكار جات توا انا مشينا. انا نحكي معا لموجيرة و للا سمية هزت صبعها و قتلو مسيو راو حال الفايسبوك و من بكري يقول فالكلام الزايد تلفتلها نهز لكتاب و نيكها بيه في راسها و جيت خارج قلي غدوة نطردك و الله ربي لا عاد تعتب حتا ليساي طول عمرك.

ريت خوك ماعاندوش زهر ريت 

تلفتلي يلقاني بارك علي ركايبي نبكي مضحك قلي كثر لهم يضحك

كملنا ضحكتنا و خرجنا مشينا خذينا تكسي خاطين عاللولاد للبيار ركبنا معا واحد عزوز اصلع حاطط ام كلثوم ثنية كاملة و هيا تعوڨ دين امها ._. انا راكب من تالي عملت هكا دزيت لكرسي متاعو منتالي 

- آ حاج بدل علينا الغناية راي كسرتلي راسي بعياطها !

- كسرتلك راسك ؟ الجيل لفاسد لطالعين توا غناكم يطرش لعبد و تقلي الفن الراقي كسرلك راسك ؟ 

- تو شتجهلني ؟ تي سكر علينا الخرا و كانك عالجيل الفاسد عالأقل نلعبوكم في اي حاجة تتصورها في مخك هههه 

- اما بناتكم فالصو ريحت الدم مافيهمش تمسها ادوخ عالقل وليدي انا خلط عالسلعة لممو اما انتي تحشالك

وصلنا هبطنا انا و ولد حومتي كيخ كيخ بالضحك عالشيوبة غمزني و قلي اعطيه كعيبة (زلعة) ، خلصتو و قتلو 

- سامحني بالله يا حاج باش نسألك ! 

- تفضل 

-ياخي منين تعرف الي بناتنا مافيهمش ريحت الدم و الي تمسها ادوخ ؟ شنوا قاعد تفرهد فكليوناتك ؟ 

فاللحضة هاذيكا عرف الي هوا وحل هه 

- تي ماو مرت ولدي وين يمسها تضربلها نهارين شادة الفرش و تتوجع

- و انتي قاعد تعس علاها كيفاه تتوجع ؟ 

- اذهب نعن والديك يا ولد لحرام والله لا تحشمها 

- ماو قتلك رانا نلعبوكم في كل شي هههه

خليناه يسب و دخلنا ركشنا بحذا لولاد احنا داخلين و جاني فيصل 

- امير باللاهي شعول 

- هاك و مد سيڤارو 

- جيت طالب وليت مطلوب.. شد ، اسمعني باللاهي باش تعمل على خوك مزية

- علا ما نقدر ! 

- صاحبتي سمية ماك تعرفها ! تعاركت انا وياها بدلتلي لمودباس متاع فايسبوكي و نحب ندزلها فازة 

- شباها ولات تتسومم هيا لبريود لخرانية ! نبيراتيهالك ؟ 

- لا اسمعني و ركز معايا مليح. انا شاد علاها تصاور ك زحي ينجمو يخليولها دارها رجعلي فايسبوكي و انا اتاو نتصرف 

- فيصل توا نحكيو رجال في بعضنا . ترضاها في اختك انتي لفازة ؟ 

- ماعانديش اخت الحمد لله ههههه و زاد باش نكبسها لا اكثر و لا اقل سمعت باها بش تصوحب اك الحاس ايمن 

- يا خويا انا تو نعمل لعليا و انتي تصرف اما ننصحك خاف ربي.

- تي برا نيك ههههه نفدلك معاك يرحم امونة ا فرار 

- تعيش . ايا لولاد نخليكم مروح 

- تي اك معانا ماشين للقهوة باش نركشو ! 

- لا لا والله لازمني نروح عندي ما نعمل 

- مريڤل سايس روحك

روحت ركشت سكرت لباب و حليت البيسي نلقا نرجس كنكتي كلمتها 

- اك طلعت حشامة ا سيدي ! مالا شبيك عالفايسبوك لسانك اطول من لسان الفعة ! 

- هههه مانيش حشامة ! 

- اي بالأمارة تشطح و تفرفط مالحشمة ! 

- ههه لا تربحك . اما اك طلعت عندك ماتقول في روحك ا سيدي ! انا قلت هاذا مادام موش حاط تصاورو باز راو ڤرد هههه ياخي علاه ماكش حاط تساورك ! 

- اسباب خاصة ههه 

        احنا نحكيو و تاليفوني نوقس 

يتبع

#.